Адзіны дзень бяспекі дарожнага руху «Разам - за бяспеку дарожнага руху"
27 студзеня 2023 года ў дашкольным цэнтры развіцця дзіцяці 1 г.п. Зэльва, у рамках Адзінага дня бяспекі дарожнага руху пад дэвізам «Разам - за бяспеку дарожнага руху" прайшоў шэраг тэматычных мерапрыемстваў, падчас якіх выхаванцы сярэдніх груп паказалі і распавялі тэатр-казку "У краіне дарожных знакаў", выхаванцы малодшых груп пазнаёміліся з светлафорам, выхаванцы старшых груп спаборнічалі ў віктарыне "Я ведаю правілы дарожнага руху"
Важна, каб бацькі былі прыкладам для дзяцей у выкананні правілаў дарожнага руху:
- Не спяшайцеся, пераходзьце дарогу размераным крокам.
- Пераходзьце дарогу толькі ў месцах, пазначаных дарожнымі знакамі і разметкай.
- Выходзячы на праезную частку дарогі, спыніце размовы - дзіця павінна прывыкнуць, што пры пераходзе дарогі трэба засяродзіцца.
- Не пераходзьце дарогу на чырвоны або жоўты сігнал святлафора.
- З аўтобуса, тралейбуса, трамвая, таксі выходзьце першымі. У адваротным выпадку дзіця можа зваліцца або пабегчы на праезную частку дарогі.
- Прыцягвайце дзіця да ўдзелу ў вашых назіраннях за абстаноўкай на дарозе: паказвайце яму тыя машыны, якія рыхтуюцца паварочваць, едуць з вялікай хуткасцю і г.д.
- Не выходзьце з дзіцем з-за машыны, кустоў, не агледзеўшы папярэдне дарогі, - гэта тыповая памылка, і нельга дапускаць, каб дзеці яе паўтаралі.
- Не дазваляйце дзецям гуляць паблізу дарог і на праезнай частцы вуліцы.
