АРГАНІЗАЦЫЯ АДУКАЦЫЙНАГА ПРАЦЭСУ
Адукацыйны працэс арганізуецца ў рэжыме пяцідзённага навучальнага тыдня. Асноўнымі формамі арганізацыі адукацыйнага працэсу з'яўляюцца занятак і гульня. Акрамя асноўных форм арганізацыі адукацыйнага працэсу, могуць выкарыстоўвацца іншыя формы: экскурсія, назіранне, калектыўная праца і іншыя.
Штодзённая колькасць заняткаў і гульняў у кожнай узроставай групе і іх паслядоўнасць вызначаюцца вучэбным планам установы.
Прыроднае і прадметна-прасторавае асяроддзе ўстановы дашкольнай адукацыі павінна забяспечваць адсутнасць у групе і на тэрыторыі алергенаў, якія выклікаюць абвастрэнне алергічных захворванняў у выхаванцаў.
Навучанне і выхаванне ва ўстанове дашкольнай адукацыі ажыццяўляюцца на беларускай і (або) рускай мовах. Асноўная мова навучання і выхавання ў нашай дашкольнай установе - беларуская.
Арганізацыя адукацыйнага працэсу пры рэалізацыі адукацыйнай праграмы спецыяльнай адукацыі на ўзроўні дашкольнай адукацыі ажыццяўляецца ў пункце карэкцыйна-педагагічнай дапамогі ў парадку, вызначаным заканадаўствам Рэспублікі Беларусь.
Кіраўнік установы дашкольнай адукацыі, педагагічныя работнікі нясуць персанальную адказнасць за стварэнне бяспечных умоў пры арганізацыі адукацыйнага працэсу ва ўстанове дашкольнай адукацыі ў адпаведнасці з заканадаўствам.
Экалагічная адукацыя ў дашкольным узросце
Пазнавальнае развіццё дзяцей дашкольнага ўзросту
Дзецям і дарослым пра энергазберажэнне
