Экскурсійная субота нашага калектыва

Дата: 26 мая 2019 в 20:47, Обновлено 26 мая 2019 в 20:58

Автор: Каравайчык Т. І.

466 просмотров

25 мая 2019 наш калектыў наведаў Агратурыстычны комлекс "Гарадзенскі маёнтак "Каробчыцы" і Аўгустоўскі канал..

Зараней скажу, што турыстамі мы аказаліся вясёлымі і цікаўнымі.

Таму што агратурыстычны комплекс «Каробчыцы» - гэта дзівосная жамчужына Гродзенскага краю і прадмет сапраўднай гордасці беларусаў, які трэба абавязкова наведаць тым, хто глыбока шануе багатыя звычаі і культуру беларускага народа. Адразу на ўваходзе нам адкрыўся від на рэстаран "Замак Зеваны". Зевана- гэта міфічны персанаж, багіня славянскай міфалогіі. пакравіцельніца ахотнікаў і рыбаловаў. Менавіта Зевана і стала сапраўдным сімвалам комплесу Каробчыцы.

Мы мелі магчымасць прайсці праз чароўныя вароты і загадаць свае запаветнае жаданне

і нават пасядзець на троне і прымераць сапрадную карону

На тэрыторыі комплексу размяшчаюцца прасторныя вальеры з жывёламі, якіх можна сустрэць у бліжэйшых лясах. Таксама тут можна ўбачыць нават экзатычных прадстаўнікоў фауны. Ёсць у Каробчыцах і дзіцячы сад для жывёл, што толькі-толькі з'явіліся на свет, сярод гасцей гэты цікавы закуток атрымаў назву «Ясны сад».

Аматараў народных рамёстваў чакаюць майстэрні кавалёў, дзе можна паглядзець, як нараджаецца прыгожае.

Прывабліваў сваёй прыгажосцю раслінны свет і асабліва кветкі, каля якіх, асабліва хацелася сфатаграфіравацца

Пейзажны парк - сапраўднае ўпрыгажэнне комплексу, дзе размяшчаюцца маляўнічыя вадаёмы і побач знаходзяцца ўтульныя альтанкі, у якіх можна адпачыць ад жыццёвых нягод і шуму сучаснага мегаполіса.

Арыгінальныя драўляныя скульптуры, якія расстаўлены па ўсім комплексе, заўсёды прыцягваюць увагу. Гэта спадчына міжнародных пленэраў разьбяроў па дрэве, якія вось ужо восем гадоў прымае “Гарадзенскі маёнтак “Каробчыцы”.