Бяспека дзяцей і дарослых на дарозе
У рамках рэспубліканскай прафілактычнай акцыі па папярэджанні дзіцячага дарожна-транспартнага траўматызму "Беражыце дзяцей!" дзяржаўным аўтаінспектарам міжраённага аддзелу ДАІ па Зэльвенскаму раёну капітанам міліцыі Клімовіч Андрэям Міхайлавічам праведзена інфармацыйна-тлумачальная гутарка сярод выхаванцаў ДУА "Дашкольны цэнтр развіцця дзіцяці №1 г.п.Зэльва" па прафілактыцы дзіцячага дарожна-транспартнага траўматызму.
Даведзена інфармацыя аб правілах бяспечнага ўдзелу ў дарожным руху і пераходу праезжай часткі, мерах бяспекі на пешаходных пераходах, правілах выкарыстання святловяртальных элементаў, бяспечнай перавозцы дзяцей. Выхаванцам прапанаваны відэародік "Бяспека на дарозе".
Паважаныя бацькі! Вучыце дзяцей бяспечным паводзінам на дарозе сваім прыкладам! Сітуацыя на дарогах напружаная і небяспечная. Неабходна памятаць, што Вашыа паводзіны на дарозе, гутаркі пра бяспечныя паводзіны на дарозе павінны быць не ад выпадку да выпадку, а пастаяннымі. Важна навучыць дзяцей назіраць, арыентавацца ў абстаноўцы на дарозе, ацэньваць і прадбачыць небяспеку. Фарміраванне навыку назірання і арыентавання ў дарожных сітуацыях залежыць ад дарослых.
